Gipuzkoa Encounter-a Tolosako Usabal Kiroldegian ospatuko da Martxoaren 1etik, (ostirala), 3ra, (igandea) bitartean. Partya 1eko 10:00etan hasiko da eta 3ko 17:00tan bukatuko da.
Ostirala 1 |
12:00 |
20:00 |
|---|---|---|
Larunbata 2 |
12:00 |
20:00 |
Igandea 3 |
12:00 |
16:00 |
Akreditazioa 28an (osteguna) 16:00tan hasiko da, eta 3an (igandea) 17:00tan bukatuko da, bulegoaren ordutegia honako hau izanik:
Osteguna 28 |
16:00 |
22:00 |
|---|---|---|
Ostirala 1 |
10:00 |
22:00 |
Larunbata 2 |
10:00 |
22:00 |
Igandea 3 |
10:00 |
17:00 |
Partyan lo egin ahal izango da 28ko gauean, astelehena gauean ordea, ezin izango da.
Dakizuenez, eta aurreko ediziotan bezala, partyplace-an lo egitea posible izango da. Hala eta guztiz ere, aurten toki arazoak izango ditugu, eta hori dela eta, ahalik eta toki gutxien erabil dezazuen eskatzea beharrean ikusten dugu gure burua:
- Lo egiteko gunean inongo kanping dendarik ez jartzea nahiago genuko.
- Hala ere dendak jarri ezean, haiek INDIBIDUALAK izan behar dute, eta ahalik eta tamaina txikienekoak. Era berean ekarritako koltxonetak ere indibidualak izan behar dira. Ezin izango da baldintza hori betetzen ez duten dendarik edo koltxonetarik jarri, baldin eta antolakuntzak arrazoi justifikatu batengatik onartu ez badu.
Denok gure eskaerari jaramon egin ezkero aipatu leku eskasiaren arazoa konpontzeko bidean izango garela espero dugu. Ordea, edozein parte hartzailek goian emandako aholkueri kasorik egin ez eta horrek arazoak sortuko balitu, elkarbizitzarako kaltegarri gerta daitezkeen elementuak erretiratzea eskatu beharko liokete antolatzaileek. Zuen laguntza aurretik eskertzen dizuegu.
Gipuzkoa Encounter-ean izateko bi modu daude: 3 egunetarako sarrera ohiko bidetik lortu, edota eguneko sarrera erosi. Eguneko sarreraren prezioa 10 €-takoa da eta akreditazio bulegoan eros daiteke, haren lan ordutegian. Era berean eguneko sarreren balioa akreditazioko ordutegiarekin bat dator, eta inolaz ere ezin izango da gaueko hamabietatik haratago luzatu. Eguneko sarrerak party egun ofizialetan bakarrik izango dira salgai. Eguneko sarrera batek ez du partyan ordenagailua konektatzeko eskubiderik ematen.
